02 Lug Sa Provìntzia cuncordat unu cursu de alfabetizatzione in limba sarda, a manos de pare cun su C.S.C. – U.N.L.A. de Aristanis
Sa Provìntzia de Aristanis e su C.S.C. UNLA de Aristanis
cuncordant unu
Cursu de alfabetizatzione in limba sarda
cun atzinnos de grammàtica e laboratòriu de iscritura
(Utilosu pro sa preparatzione de is esàmenes pro otènnere sa tzertificatzione R.A.S. NARAMI e sa tzertificatzione de livellu C1 de su QCER)
Aristanis – Sala cunferèntzias de su CSC – UNLA
30 oras, partzidas in 10 addòbios de 3 oras, dae is noe a mesudie
Calendàriu de is letziones:
25/07/25; 31/07/25; 04/09/25; 11/09/25; 18/09/25;
25/09/25; 02/10/25; 09/10/25; 16/10/25; 23/10/25.
Iscritzione:
a intro de su 15 de trìulas 2025 cun su mòdulu alliongiadu, chi bolet mandadu a s’indiritzu e-mail limbasarda@provincia.or.it
o cunsignadu a manu a s’Isportellu linguìsticu de sa Provìntzia de Aristanis su martis, mèrcuris o sa giòbia a mangianu, dae is noe a mesudie
Esàmene de acabbu e atestadu de frecuèntzia
Pro informos:
telefonare a is nùmeros 0783/793413, 349/6025986 o mandare un’e-mail a limbasarda@provincia.or.it
Sa Provìntzia e su Tzentru pro is Servìtzios Culturales – U.N.L.A. de Aristanis si ponent paris e cuncordant unu cursu de alfabetizatzione in limba sarda, cun atzinnos de grammàtica e cun laboratòrios pràticos de iscritura.
Su cursu parat fronte a su bisòngiu de is tzitadinos chi, alfabetizados in limba italiana isceti, bolent imparare a iscrìere “a norma” sa limba istòricu-identitària, iscoberende sa règula de s’atzentu, de is cunsonantes chi si podent marcare addopiadas in s’iscritura, de is assimilatziones, de sa paragoge, e aici sighende.
S’iscritzione est gratis e bolet fata a intro de martis 15 de trìulas, compilende su mòdulu alliongiadu e mandende-ddu a s’indiritzu de posta eletrònica limbasarda@provincia.or.it.
Su cursu s’at a pòdere incarrerare solu si si lompet a su nùmeru mìnimu de 15 iscritos chi assegurant sa frecuèntzia a su mancus pro 21 oras de 30.
A pustis de is primas duas letziones chi s’ant a fàghere in trìulas, su cursu at a sighire in is meses de cabudanni e de santugaine.
Pro àteros informos faghet a telefonare a is nùmeros 0783/793413 e 349/6025986 o a mandare un’e-mail a s’indiritzu limbasarda@provincia.or.it.
Sa faina est cuncordada cun s’agiudu de sa Regione Autònoma de Sardigna, Servìtziu “Limba e Cultura sarda”, avisu Tu.Li.S. 2024.